Free English Exercises

Agradézolle a Trini, profesora de Inglés, que me achegase este recurso. Déixovos este enlace a unha excelente páxina de actividades para aprender inglés.

Oxalá cunda o exemplo e máis profesoras e profesores do CPI acheguen recursos que consideran interesantes para que poida publicalos e incrementar a oferta de aplicacións educativas para seguirmos a incorporar nas nosas clases o ensino con TIC.

Inda que o desexable sería que cada profesora/profesor recompile e organice os seus propios recursos no wiki ou nun blog propio, de momento estes exemplos poden servir de guía para adentrarse no mundo das TIC e irlle tirando partido ás posiblidades educativas que neste século a rede pon á nosa disposición.

Abonda con deixarme un comentario en calquera entrada do blog.

Por suposto, agradezo esas achegas de recursos de calquera persoa que visite este blog que, naturalmente, é para a educación de todas e de todos.

Compréndese facilmente que non podo valorar todos os recursos que publico dende a perspectiva e sentido crítico que lles corresponde ós especialistas en cada materia. Así que, botando unha man, entre todas e todos podemos, colaborativamente, mellorar o ensino día a día.