Nesta noticia evidénciase unha vez máis que a Consellería de Educación non quere ou non sabe situar ao ensino galego no nivel doutras comunidades como Estremadura ou Andalucía. Ademais, queda claro que non cumpren a promesa electoral de dotar ás aulas cun ordenador por cada 2 alumnas/os. Será, pois, un novo retraso para a educación galega. E xa é moito retraso.
Maio 11, 2008 en 10:34 am
Falan da cuestión “computadoras na aula versus aula de computadoras” nesta páxina colombiana:
http://www.eduteka.org/TemaRecursos1.php
Maio 11, 2008 en 11:16 am
Efectivamente, César. Xa hai tempo que me decatei de que non fai falla ir a Finlandia para observar boas reflexións sobre a nova educación apoiada na TIC e integradora das TIC. En Colombia, México, etc. están a promover a incorporación das TIC ao ensino con moito interese. O que pasa é que Galicia ten unha das administracións educativas máis proclives ao tradicionalismo e á falta de innovación. E sempre me pregunto se é que non se enteran ou miran para outro lado. Tamén pode haber unha autocomplacencia incomprensible. O futuro, por desgraza, vainos dar a razón aos que reclamamos medios e formación para incorporarmos as TIC nas aulas galegas sen máis demora.