Xa non están tan lonxe as TIC para o alumnado galego.
Unha iniciativa achega as TIC a 8.000 estudantes de 36 colexios do Salnés. Entendo que foron dotadas de lousas dixitais interactivas a totalidade das aulas deses centros.
Leo a noticia en Galicia-Hoxe.com:
“Os colexios do Salnés dinlles adeus ó xiz e ó borrador e substitúen o encerado de toda a vida por modernas lousas dixitais da man da empresa galega Imaxina Novas Tecnoloxías, e da Mancomunidade do Salnés.
A través do proxecto Cultura en rede os colexios dos 9 concellos da comarca do Salnés instalarán lousas electrónicas, que permitirán conectarse en rede e crear desde a propia lousa contidos para o estudo e o progreso intelectual dos escolares“.
Nesta web podemos observar o traballo colaborativo:
Parabéns para toda esa comunidade educativa. Oxalá que máis iniciativas coma esta ou unha decisión da Consellería de Educación, longamente agardada, acheguen as TIC a todos os centros educativos galegos.
