Permite converter practicamente calquera arquivo noutro formato (a elixir) en moi pouco tempo. Probeino convertendo un xls nun pdf sen problema ningún. Está na rede dispoñible en calquera momento, polo que non precisamos dispoñer dunha colección de conversores no noso pc.

DEITADO FRENTE Ó MAR…

Lingua proletaria do meu pobo
eu faloa porque si, porque me gusta
porque me peta e quero e dame a gana
porque me sae de dentro, alá do fondo
dunha tristura aceda que me abrangue
ó ver tantos patufos desleigados,
pequenos mequetrefes sen raíces
que ó pór a garabata xa non saben
afirmarse no amor dos devanceiros,
fala-la fala nai,
a fala dos abós que temos mortos,
e ser, co rostro erguido,
mariñeiros, labregos da linguaxe,
remo e arado, proa e rella sempre.

Eu faloa porque si, porque me gusta
e quero estar cos meus, coa xente que sufren longo
unha historia contada noutra lingua.

Non falo prós soberbios,
non falo prós ruíns e poderosos,
non falo prós finchados,
non falo prós estupidos,
non falo prós valeiros,
que falo prós que aguantan rexamente
mentiras e inxusticias de cotío;
prós que súan e choran
un pranto cotián de volvoretas,
de lume e vento sobre os ollos núos.
Eu non podo arredar as miñas verbas de
tódolos que sufren neste mundo.
E ti vives no mundo, terra miña,
berce da miña estirpe,
Galicia, doce mágoa das Españas,
deitada rente ó mar, ise camiño…

De KONOMEDIO CEIP Mariano Castillo (Villamayor), através de catedu.es/arablogs recollo esta actividade sobre a nutrición humana.

Podedes clicar na imaxe para coñecer ás/aos gañadoras/es deste premio. Así poderedes acceder aos que posiblemente sexan os mellores blogues (algúns galegos) deste ano na rede educativa. Parabéns a todas e todos.

Edito a entrada para aclarar que este blog non está entre os premiados e que só deixo o enlace para que coñezades o resultado e disfrutedes cos mellores blogues. A aclaración é necesaria porque veño de recibir un comentario no que se me considera premiado. Xa me gustaría.

Moitas e moitos docentes, cada día máis, ocupamos un sinfín de horas en publicar na rede os nosos espazos educativos para beneficio de toda a comunidade. Este traballo, lonxe de obter recoñecemento por parte das administracións educativas, mesmo resulta ser totalmente desperdiciado polas administracións dalgunhas comunidades (Galicia, por exemplo). Todo o contrario ocorre en Aragón onde os blogues e publicacións na rede do profesorado insírense nun portal educativo para estímulo e beneficio de todos. E todo o profesorado que traballa na rede sabe do escasísimo custe que supón para a administración o mantemento dun portal deste tipo. A Consellería de Educación xa ten un portal educativo. Pódese comparar ollando o apartado de recursos ou o de recursos educativos. Tamén convén mergullarse no apartado de materiais para a aula ou os recursos educativos en liña onde atoparemos algúns dos que están neste blog dende fai moito máis tempo que no portal de Siega e que son doutras comunidades autónomas. ¿Desinterese administrativo? ¿Falta de persoal dedicado a recoller os excelentes recursos do profesorado galego (un exemplo)? Dende logo non poden dicir que non hai suxestións. Eu fixen un par delas hai meses e nin sequera me contestaron. ¿Alguén quere probar? Na rede social “Internet en el aula” proponse unha mobilización do profesorado para reclamar recoñecemento polo seu traballo e dedicación.

static.schoolrack.com